ក្នុងវ័យ ៧១ឆ្នាំ គ្រាន់តែជាតួលេខប៉ុណ្ណោះសម្រាប់កំពូលតារាសម្ដែងហុងកុង លោក Chow Yun Fat តារាសម្ដែងភាពដ៏ល្បីល្បាញរូបនេះ នៅតែរក្សាទម្លាប់រត់ចម្ងាយ ៥គីឡូម៉ែត្រ ជាផ្នែកមួយនៃជីវិតប្រចាំថ្ងៃរបស់លោក! 🙌

អ្វីដែលគួរឱ្យចាប់អារម្មណ៍នោះគឺ ការរត់មិនមែនជាទម្លាប់រស់នៅរបស់លោកតាំងពីដើមមកនោះទេ។ លោកទើបតែចាប់ផ្ដើមរត់កាលពីប្រហែល ១០ឆ្នាំមុនប៉ុណ្ណោះ នៅពេលដែលលោកត្រូវការសម្រកទម្ងន់ដើម្បីសម្ដែងក្នុងខ្សែភាពយន្តមួយ។ ក្នុងរយៈពេលត្រឹមតែជាង ៦ខែ លោកអាចសម្រកទម្ងន់បានរហូតដល់ ១៣.៥ គីឡូក្រាម។

អ្វីដែលចាប់ផ្ដើមឡើងដើម្បីឱ្យមានរាងស្អាត និងសុខភាពល្អ បានប្រែក្លាយទៅជាចំណង់ចំណូលចិត្តដ៏ពិតប្រាកដ។ ចាប់តាំងពីពេលនោះមក លោកបានរត់បញ្ចប់វិញ្ញាសា Half Marathon (២១គីឡូម៉ែត្រ) ដោយប្រើថិរវេលា ២ម៉ោង ២៤នាទី និង ៣៣វិនាទី ហើយថែមទាំងបានចូលរួមរត់ចម្ងាយ ១០គីឡូម៉ែត្រ ក្នុងព្រឹត្តិការណ៍ Hong Kong Marathon កាលពីខែមករា ឆ្នាំ២០២៦ ក្នុងវ័យ ៧០ឆ្នាំទៀតផង។

បច្ចុប្បន្ន ការរត់ ការឡើងភ្នំ ការហាត់ក្បាច់គុនថៃជី (Tai Chi) និងការទទួលទានអាហារប្រកបដោយតុល្យភាព គឺជាផ្នែកមួយនៃរូបមន្តថែរក្សាសុខភាពរបស់លោក។