ស្វែងយល់ពីអត្ថប្រយោជន៍ និងគ្រោះថ្នាក់ របស់ ផ្លែប៉ិកួៈ

«ផ្លែប៉ិកួៈ» ឬ ប៉ិកគក់ គឺជាមើមរុក្ខជាតិវល្លិមួយប្រភេទ ដែលបងប្អូនប្រជាពលរដ្ឋយើងនិយមញ៉ាំលេង ឬធ្វើបន្លែម្ហូប ដោយសារតែវាមានសាច់ស្រួយ ផ្អែម និងមានទឹកច្រើន។ ទោះបីជាងាយស្រួលរក និងឆ្ងាញ់ពិសាក៏ដោយ ប៉ុន្តែបើញ៉ាំមិនបានត្រឹមត្រូវ ឬញ៉ាំចំផ្នែកដែលមានជាតិពុល អាចបង្កគ្រោះថ្នាក់ដល់សុខភាពបាន។

១. អត្ថប្រយោជន៍ល្អៗចំពោះសុខភាព

ការញ៉ាំមើមប៉ិកួៈស្រស់ ១ ចានចង្កឹះ ផ្តល់ផលល្អជាច្រើនដល់រាងកាយ ដោយមិនព្រួយរឿងធាត់ ព្រោះវាមានកាឡូរីទាបខ្លាំង គ្មានខ្លាញ់ និងគ្មានជាតិកូលេស្តេរ៉ូល។ ប៉ិកួៈ មានជាតិកាបូអ៊ីដ្រាតដែលជួយឱ្យខួរក្បាល បេះដូង និងសាច់ដុំមានកម្លាំង។
វាក៏មានជាតិសរសៃ (Fiber) ខ្ពស់ រហូតដល់ទៅ ២៤% នៃតម្រូវការប្រចាំថ្ងៃ ដែលជួយឱ្យពោះវៀនដើរស្រួល និងការពារការទល់លាមក (តែបើញ៉ាំច្រើនហួសពេក អាចធ្វើឱ្យឆ្អល់ពោះ ឬរាគរូស)។ ប៉ិកួៈ ក៏សម្បូរវីតាមីន C ជួយពង្រឹងប្រព័ន្ធការពាររាងកាយឱ្យរឹងមាំ កុំឱ្យងាយឈឺ។ សំខាន់ជាងនេះទៀត វាមានផ្ទុករ៉ែសំខាន់ៗ ដូចជា ដែក ប៉ូតាស្យូម និងកាត់ស្ពាន់ ដែលជួយទ្រទ្រង់គ្រាប់ឈាម និងសម្ពាធឈាម។

២. ការប្រុងប្រយ័ត្ន ផ្នែកដែលមានជាតិពុល

ចំណុចសំខាន់បំផុតដែលបងប្អូនត្រូវដឹង គឺ មានតែមើម ប៉ិកួៈ មួយមុខគត់ដែលញ៉ាំបាន! ផ្នែក ស្លឹក ដើម/វល្លិ និងគ្រាប់ នៃដើម ប៉ិកួៈ មានផ្ទុកសារធាតុពុលធម្មជាតិ (ម្យ៉ាងឈ្មោះថា Rotenone) ដែលរុក្ខជាតិនេះបង្កើតឡើងសម្រាប់ការពារខ្លួនពីសត្វល្អិត។ ប្រសិនបើមនុស្សយើងញ៉ាំចំគ្រាប់ ឬដើមរបស់វា អាចបណ្តាលឱ្យពុលធ្ងន់ធ្ងរ។

ដូច្នេះ ដើម្បីសុវត្ថិភាព ត្រូវញ៉ាំតែ មើមប៉ិកួៈ មួយមុខគត់ ហើយ ត្រូវបកសំបកក្រាស់ខាងក្រៅចេញឱ្យស្អាត មុននឹងយកទៅបរិភោគ៕

លោក សេក សត្យា | Mr. Sek Sathya

លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។

ស្វែងយល់​ពី​អត្ថប្រយោជន៍​ និង​គ្រោះថ្នាក់​ របស់​ ​ផ្លែ​ប៉ិកួៈ​

លោក សេក សត្យា | Mr. Sek Sathya

ស្វែងយល់ពីអត្ថប្រយោជន៍ និងគ្រោះថ្នាក់ របស់ ផ្លែប៉ិកួៈ