ចំណាយប្រាក់ទិញអស់ច្រើនហើយ ប្រយ័ត្នប្រើទាំងហួសដឺឡេ! ស្វែងយល់ពីប្រភេទ Skincare អាចរក្សាទុកបានប៉ុន្មានខែ/ឆ្នាំ

បច្ចុប្បន្នប្រធានបទ ទាក់ទងនឹងផលិតផលថែរក្សាសម្រស់ ឬ Skincare ត្រូវបានគេលើកមកនិយាយ ពិភាក្សា និងចែករំលែកពីអត្ថបទប្រយោជន៍។ ប៉ុន្តែរឿងមួយដែលអ្នកប្រើ និងអ្នកចែកចាយមិនសូវដឹង មិនចាប់អារម្មណ៍ពិនិត្យមើល ឬសួរនាំប្រាប់នោះគឺ រយៈពេលដែលអាចរក្សាទុកបាន។

ការចំណាយប្រាក់ទៅលើផលិតផលថែរក្សាស្បែក ពិតជាមិនតិចទេដូចនេះត្រូវច្បាស់ថា ទិញយកមកប្រើបានត្រឹមត្រូវ មិនខ្ជះខ្ជាយ និងទិញឲ្យសមសភាពការណ៍ជាក់ស្ដែង។ ព្រោះអ្នកខ្លះ ចូលចិត្តទិញរបស់មកទុកមិនប្រើ ឬខ្លះទៀត ចំណាយលុយទិញផលិតផលថ្មី ដោយគ្រាន់តែឃើញការឃោសនា។

ជាទូទៅអ្នករាល់គ្នាប្រហែលជាគិតថា ផលិតផលថែរក្សាសម្រស់ ថែរក្សាស្បែកមុខ ស្បែកខ្លួន មិនទាន់បើកប្រើ ឬគិតចាប់តាំងពីថ្ងៃផលិតអាចរក្សាបានប្រហែល ២ ទៅ ៣ ឆ្នាំ។ តែក្នុងករណីផលិតផលខ្លះ ក្រោយពេលបើកប្រើហើយ អាយុកាលរបស់វាក៏ខុសគ្នាតាមប្រភេទផលិតផលនីមួយៗដែរ។

ទោះបីជាផលិតផលថែរក្សាសម្ផស្ស មិនដែលត្រូវបានបើកក៏ដោយ ក៏វាមិនមានភាពស៊ាំនឹងដែរ ហើយមិនមែនតែ Skincare ឡើយ គ្រឿងសម្អាង និងផលិតផលថែរក្សាសក់ក៏អាចប្រើប្រាស់បាន ២ ឬ ៣ ឆ្នាំប៉ុណ្ណោះ។ វានឹងខូចតាមពេលវេលា ដោយសារការប៉ះពាល់នឹងពន្លឺ ខ្យល់ ការប្រែប្រួលសីតុណ្ហភាព និងការបំបែកគ្រឿងផ្សំតាមធម្មជាតិ។

ឧទាហរណ៍៖ ផលិតផលបែបទឹក (ដូចជាសេរ៉ូម ឡេ និង foundations) ជាធម្មតាផុតកំណត់លឿនជាងផលិតផលដែលមានជាតិប្រេង។ ផលិតផលធម្មជាតិ ឬសរីរាង្គ ជារឿយៗមិនមានផ្ទុកសារធាតុរក្សាទុកសំយោគ ជាធម្មតាមានអាយុកាលរក្សាទុកខ្លី ៣ ទៅ ៦ ខែប៉ុណ្ណោះ។ ចំណែកផលិតផលដែលមានគ្រឿងផ្សំសកម្មដូចជាវីតាមីន C រីទីណុល ឬប៊ីនហ្សូអ៊ីលប៉េរ៉ុកស៊ីត ជារឿយៗបាត់បង់ប្រសិទ្ធភាពមុនអាយុ ២ ឆ្នាំ ទោះបីជាមិនទាន់បើកក៏ដោយ។

ក្នុងនោះមានដូចជាប្រភេទ៖

១. សាប៊ូលាងមុខ ,សាប៊ូដុសខ្លួន និងស្ក្រាប់ខ្លួន៖ ១ ឆ្នាំ
២. ទឹកជូតមុខ៖ ៦ ខែទៅ ១ ឆ្នាំ
៣. សារធាតុ BHA ឬ AHA សម្រាប់ដុសខាត់ស្បែកក្រិន៖ ១ ឆ្នាំ
៤. សេរ៉ូមផ្ដល់សំណើមដល់មុខ ឬរាងកាយ៖ ៦ ខែទៅ ១ ឆ្នាំ
៥. ក្រែមលាបភ្នែក ជែល ៖ ៦ ខែទៅ ១ ឆ្នាំ
៦. Lip balm៖ ១ ឆ្នាំ
៧. Face Oil៖ ៦ ទៅ ១២ ខែ
៨. ម៉ាសបិទមុខសន្លឹក (មិនទាន់បើក) ២ទៅ ៣ ឆ្នាំ
៩. Toner៖ ៦ ទៅ ១២ ខែ
១០. Sunscreen៖ ៦ ទៅ ១២ ខែ
១១. Facial Oils និង Clay Masks៖ ១២ ខែ

ចំណែកគ្រឿងសម្អាង

១. ម៉ាស្ការ៉ា (ធម្មតា ឬធន់នឹងទឹក) និង eyeliner៖ ៣ ទៅ ៦ ខែ
២. ក្រេម, liquid,stick foundations/concealers៖ ៦ខែ ទៅ ១ ឆ្នាំ
៣. ផលិតផលម្សៅ រួមទាំង blush, bronzer៖ ២ ទៅ ៣ ឆ្នាំ
៤. ស្រមោលភ្នែក៖១ ទៅ ២ ឆ្នាំ
៥. ក្រែមលាបមាត់ រលោង និងខ្មៅដៃគូរបបូរមាត់៖ ២ទៅ ៣ ឆ្នាំ
៦. ទឹកអប់មិនមានកាលបរិច្ឆេទផុតកំណត់តឹងរ៉ឹងទេ ប៉ុន្តែវាអាចផុតកំណត់ជាធម្មតារយៈពេលពី ៣ ទៅ ៥ ឆ្នាំ

ចងចាំថាផលិតផលថែរក្សាសម្ផស្សដែលមិនទាន់បើកអាចទុកបានជាងផលិតផលដែលបានបើក ប៉ុន្តែវាមិនមែនអមតទេ៕

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត