នៅរសៀលថ្ងៃទី១០ ខែមីនា ឆ្នាំ២០២៦ នៅអគារ Chip Mong Tower ក្នុងសន្និសីទសារព័ត៌មានស្តីពី កម្មវិធីចាប់ឆ្នោតចែកពូលប្រកួតដណ្ដើមខ្សែក្រវាត់ WURKZ សេនាគុនខ្មែរយ័ន្ត ៨ ទិស លោក អ៊ីង វីរៈ អគ្គនាយកបន្តវេននៃក្រុមហ៊ុន ខ្មែរ ប៊ែវើរីជីស បានប្រកាសថា ភេសជ្ជៈប៉ូវកម្លាំង WURKZ នឹងបន្តគាំទ្រកីឡាគុនខ្មែរ ដោយឧបត្ថម្ភថវិការហូតដល់ ១០៨,០០០,០០០ រៀល សម្រាប់ការប្រកួតដណ្ដើមខ្សែក្រវាត់ IPCC វគ្គផ្ដាច់ព្រ័ត្រ WURKZ សេនាគុនខ្មែរយ័ន្ត ៨ ទិស រដូវកាលទី៤។

ការឧបត្ថម្ភនេះបង្ហាញពីការប្តេជ្ញាចិត្តរបស់ WURKZ ក្នុងការជំរុញ និងលើកកម្ពស់កីឡាគុនខ្មែរ ដោយផ្តល់កម្លាំងចិត្តដល់កីឡាករ និងជំរុញឱ្យកីឡាជាតិមួយនេះកាន់តែរីកចម្រើន ហើយ ការប្រកួតនេះត្រូវបានគេរំពឹងថានឹងមានភាពកក្រើកសង្វៀន ដោយសារកីឡាករទាំងអស់សុទ្ធតែជាជើងខ្លាំង និងបានបង្ហាញការប្តេជ្ញាចិត្តខ្ពស់ក្នុងការប្រជែងដណ្ដើមខ្សែក្រវាត់។

ការប្រកួតខ្សែក្រវាត់រដូវកាលនេះ មានបេក្ខភាពកីឡាករជើងខ្លាំងចំនួន ៨ រូប ដែលសុទ្ធតែបានឆ្លងកាត់ការប្រកួត Marathon ដើម្បីឈ្នះពានរង្វាន់ម្នាក់មួយរួចមកហើយ។ កីឡាករទាំងនោះរួមមាន៖

កីឡាករ សេង ទ្រី

កីឡាករ ពេជ្រ សុខា

កីឡាករ ប៉ុង ពិសិដ្ឋ

កីឡាករ អូន ស៊ីនួន

កីឡាករ ភក្តី ដាលីន

កីឡាករ សូត្រ សុឃីម

កីឡាករ ម៉ន បណ្ឌិត

កីឡាករ ចិត្ត សុភី

**ខ្សែក្រវាត់ IPCC KUNKHMER ១ អមជាមួយប្រាក់រង្វាន់សម្រាប់អ្នកឈ្នះ៖

-លេខ១៖ ទទួលបានប្រាក់រង្វាន់ចំនួន៤៨លានរៀល(១ម៉ឺន២ពាន់ដុល្លា)

-លេខ២៖ ២៤លានរៀល (៦ពាន់ដុល្លា)

-លេខ៣៖ ១២លានរៀល (៣ពាន់ដុល្លា)

-លេខ៤៖ ៨លានរៀល (២ពាន់ដុល្លា)

-លេខ៥៖ ៤លានរៀល (១ពាន់ដុល្លា)  / 4នាក់ ៕

គួរបញ្ជាក់ថា ស្ថានីយ៍ទូរទស្សន៍ TOWN FULL HDTV ទទួលបានការឧបត្ថម្ភផ្ដាច់មុខពីភេសជ្ជៈប៉ូវកម្លាំង WURKZ ក្នុងការរៀបចំព្រឹត្តិការណ៍នេះ ដែលមានទឹកប្រាក់ឧបត្ថម្ភសរុបលើសពី ១០០ លានរៀល។

ព្រឹត្តិការណ៍ប្រកួតនឹងធ្វើឡើងនៅថ្ងៃសៅរ៍ ទី១៤ ខែមីនា ឆ្នាំ២០២៦ ចាប់ពីម៉ោង 7 យប់តទៅ នៅទីតាំង​ភូមិលើ សង្កាត់ស្រះឫស្សី ក្រុងស្ទឹងត្រែង។ ការប្រកួតនឹងមានការផ្សាយផ្ទាល់តាមរយៈ TOWN FULL HDTV, ផេកហ្វេសប៊ុក TOWN FULL HDTV, TOWN FM 102.25 និងផេក WURKZ។

វើក ជួយគុនខ្មែរ ច្រើនជាងគេ និងដំបូងគេបង្អស់

ភេសជ្ជៈប៉ូវកម្លាំង វើក បង្កើនកម្លាំងចិត្តជួយគុនខ្មែរ ឧបត្ថម្ភ ១០៨,០០០,០០០ លានរៀលក្នុងការប្រកួតដណ្ដើមខ្សែក្រវាត់ IPCC វគ្គផ្ដាច់ព្រ័ត្រ WURKZ សេនាគុនខ្មែរយ័ន្ត៨ទិសរដូវកាលទី៤។