ចប់ទី១២ ចង់រៀនជំនាញពេទ្យ មិនចាំបាច់ទាល់មកភ្នំពេញ តាមបណ្ដាខេត្តទាំងនេះក៏មានសាលាបង្រៀនដែរ

ប្រឡងបាក់ឌុបចប់ ចង់រៀនពេទ្យ តែមិនចង់ឡើងមកភ្នំពេញ តើគួរធ្វើបែបណា? អស់បារម្ភសម្រាប់សិស្ស-និស្សិត ដែលចង់រៀនជំនាញពេទ្យ ប៉ុន្តែមិនចង់ទៅភ្នំពេញ អាចរៀនបាននៅតាមបណ្ដាខេត្តមួយចំនួននេះបានដូចជា សៀមរាប កំពង់ឆ្នាំង កំពង់ចាម ព្រះសីហនុ។

មកដឹងលម្អិតត្រួសៗនៃសាលាពេទ្យ ដែលមានទីតាំងនៅតាមខេត្តដែលបានរៀបរាប់ខាងលើ៖

ទី១. វិទ្យាស្ថានជាតិកសិកម្មកំពង់ចាម ជាគ្រឹះស្ថានឧត្ដមសិក្សាសាធារណៈក្នុងខេត្តកំពង់ចាម មានបណ្ដុះបណ្ដាលលើជំនាញ វិទ្យាសាស្ត្រ និងវេជ្ជសាស្ត្រសត្វ។

ទី២. សាកលវិទ្យាល័យអង្គរ ជាគ្រឹះស្ថានឧត្ដមសិក្សាឯកជន ដែលមានទីតាំងនៅខេត្តសៀមរាប។ លេខទំនាក់ទំនង ៖ ០៧០ ៨៥៣ ៥៣៧ / ០១៧ ៦៧១ ៨២៥។

ទី៣. សាកលវិទ្យាល័យ ឡាយហ្វ ជាគ្រឹះស្ថានឧត្ដមសិក្សាឯកជន ដែលមានទីតាំងនៅខេត្តសៀមរាប។ លេខទំនាក់ទំនង ៖ ០៣៤ ៩៣៤ ៤៩៨ / ០៧៨ ៩៦៦ ៨៧៧ / ០១៦ ៤៥០ ៣០២។

ទី៤. វិទ្យាស្ថានកសិកម្ម ឧកញ៉ា ម៉ុង ឬទ្ធី ជាគ្រឹះស្ថានឧត្ដមសិក្សាឯកជន ដែលមានទីតាំងនៅខេត្តព្រះសីហនុ។ លេខទំនាក់ទំនង ៖ ០១០ ៧៣២ ០៦៣/ ០៨១ ៨៨៨ ២២៧ / ០៨១ ៨៨៨ ២២៨ / ០៧៧ ៦៨១ ៨១៨ មានបណ្ដុះបណ្ដាលលើជំនាញ វិទ្យាសាស្ត្រសត្វ និងវេជ្ជសាស្ត្រសត្វ។

ទី៥. វិទ្យាស្ថាន បូលីណូ ជាគ្រឹះស្ថានឧត្ដមសិក្សាឯកជន ដែលមានទីតាំងនៅខេត្តកំពង់ឆ្នាំង។ លេខទំនាក់ទំនង ៖ ០៧៧ ៧៧៧ ២៧២ / ០៦៧ ៧៧៧ ២៧២ / ០៨១ ៩៩៩ ១៦២ / ០៨១ ៩៩៩ ០៤៦។

គួរបញ្ជាក់បន្ថែមថា សាលាពេទ្យដែលមានទីតាំងក្នុងរាជធានីភ្នំពេញមានដូចជា៖ សាកលវិទ្យាល័យវិទ្យាសាស្ត្រសុខាភិបាល (សាលាក្រហម), វិទ្យាស្ថានវិទ្យាសាស្ត្រសុខាភិបាល ខ.ភ.ម (សាលាទាហាន) , សាកលវិទ្យាល័យ ន័រតុន , សាលវិទ្យាល័យ ពុទ្ធិសាស្ត្រ , សាកលវិទ្យាល័យ ចេនឡា , សាកលវិទ្យាល័យ វិទ្យាសាស្ត្រ , វិទ្យាស្ថានកម្ពុជាបច្ចេកវិទ្យាជប៉ុន និងវិទ្យាស្ថានវិទ្យាសាស្ត្រអាស៊ី ៕

ប្រភព ៖ សៀវភៅមគ្គុទេសក៍សម្រាប់ជ្រើសរើសគ្រឹះស្ថានសិក្សា និងមុខជំនាញបន្តការសិក្សានៅកម្រិតឧត្តមសិក្សា

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។