ភូមិទឹកស្រែ ជាភូមិស្នាក់ធម្មជាតិដែលផ្ដល់អារម្មណ៍បែបជនបទស្រុកស្រែ

ភូមិទឹកស្រែ ជាភូមិស្នាក់បែបធម្មជាតិមួយ ដែលផ្ដល់អារម្មណ៍នៃការរស់នៅបែបជនបទ។ ភូមិស្នាក់ធម្មជាតិមួយនេះ មានទីតាំងស្ថិតនៅក្នុងភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង។

ប្រសិនបើអ្នកបានធ្វើដំណើរទៅដល់ភូមិស្រុកខាងលើ អ្នកនឹងទទួលបានអារម្មណ៍ផាសុកភាព ដ្បិតថាតំបន់ទេសចរណ៍ ភូមិទឹកស្រែ ជាទីឋានធម្មជាតិដ៏ស្ងប់សុខដែលអាចឱ្យអ្នកអាចចំណាយពេលវេលាពេញមួយថ្ងៃដោយពុំមានសំឡេងរំខាន។ ភូមិទឹកស្រែ ជាភូមិស្នាក់មួយកន្លែងដ៏ស្រស់ស្អាត និងអំណោយផលពីធម្មជាតិ ដែលមាន វាលស្រែ ដងព្រែក ព្រៃឈើ បក្សាបក្សីហើរទាំងហ្វូងៗ ថែមមានសត្វអំពិលអំពែកពេលរាត្រីទៀតផង។ ទេសចរដែលមកកម្សាន្តនៅភូមិទឹកស្រែ ក៏អាចបោះតង់ ជិះទូកកម្សាន្ត ជិះកង់គយគន់ធម្មជាតិ ជិះម៉ូតូឡើងភ្នំ និងស្ទូចត្រីជាដើម។

ភូមិទឹកស្រែ គឺជាជម្រើសក្ដីសុខជាមួយធម្មជាតិ ដែលអ្នកទេសចរអាចសម្រាកលម្ហែ នាពេលចុងសប្ដាហ៍ ឬថ្ងៃសម្រាក ដែលជួយបំពេញថាមពលឱ្យជីវិត ក្រោយចំណាយពេលយ៉ាងច្រើនក្នុងអំឡុងពេលបំពេញការងារ។ ចង់បានអារម្មណ៍បែបអ្នកភូមិៗ មានទឹកមានស្រែ អាចមកលេង ភូមិទឹកស្រែបាន៕

រូបភាព ផ្ដល់ជូនដោយ ៖ Phum Teuk Srae – ភូមិទឹកស្រែ

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។