ប៉ុន្មាន​ថ្ងៃ​មុន​ ប្រជាពលរដ្ឋ​បាន​ជូន​ដំណឹង​ដល់​អាជ្ញាធរ ក្រោយ​ការ​ប្រទះ​ឃើញ​វត្ថុ​បុរាណ​ចំនួន ២ រូប ក្នុង​ភូមិសាស្ត្រ ស្រុក​ជាំ​ក្សាន្ត ខេត្ត​ព្រះ​វិហារ ដើម្បី​ធ្វើ​ការ​ចុះ​ត្រួត​ពិនិត្យ និង​ទទួល​យក​ទៅ​តម្កល់​ថែ​រក្សា។

ក្រោយ​ការ​ជូន​ដំណឹង​របស់ប្រជា​ពលរដ្ឋ នា​ថ្ងៃ​​១៤ ខែមីនា ឆ្នាំ ២០២៦ លោក ម៉ក់ ឌឿង អនុប្រធាននាយកដ្ឋានស្រាវជ្រាវ បណ្តុះបណ្តាល និងតម្កល់ឯកសារ បានដឹកនាំមន្រ្តីចុះទៅទទួលវត្ថុបុរាណចំនួន២ ពីលោក សាន សែន មេបញ្ជាការរង មូលដ្ឋានកងរាជអាវុធហត្ថស្រុកជាំក្សាន្ត ដែល​ស្ថិត​នៅភូមិអូរក្សាន្ត ឃុំទឹកក្រហម ស្រុកជាំក្សាន្ត ខេត្តព្រះវិហារ។

វត្ថុបុរាណដែលបានប្រគល់ជូនមានចំនួន២ រួមមាន បំណែកផ្ដែរធ្វើពីថ្មក់ភក់មានចំនួន ២ បំណែក និងកុលាលភាជន៍មួយ មានរាងដូចសត្វហង្ស។ បច្ចុប្បន្ន វត្ថុបុរាណទាំង២ប្រភេទនេះបានយកទៅរក្សាទុកនៅរោងជាងសារមន្ទីរធម្មជាតិសាកលសម្តេចតេជោ ហ៊ុន សែន ព្រះវិហារ ដើម្បីធ្វើការចុះបញ្ជី អភិរក្ស និងសិក្សាវិភាគបន្ថែម៕

រូបភាព ៖ អាជ្ញាធរជាតិព្រះវិហារ