ភ្នំពេញ ទទួលបានទេសចរមកកម្សាន្តច្រើនជាងគេ ក្នុងរដូវកាលចូលឆ្នាំ ខណៈកំពង់ចាម លេខ២

ឆ្នាំនេះ រាជធានីភ្នំពេញ ឈរនៅលំដាប់លេខរៀងទី១ ក្នុងចំណោមខេត្តក្រុងទាំង ៥ ដែលទទួលបានចំនួនភ្ញៀវទេសចរទាំងជាតិ និងអន្តរជាតិមកលេងកម្សាន្តយ៉ាងច្រើនកុះករ ក្នុងឱកាសពិធីបុណ្យចូលឆ្នាំខ្មែរ ខណៈលំដាប់លេខ២ គឺកំពង់ចាម។

ក្នុងរយៈពេល ៣ ថ្ងៃនៃពិធីបុណ្យចូលឆ្នាំថ្មីប្រពៃណីជាតិខ្មែរ គិតចាប់ពីថ្ងៃទី ១៤ ដល់ ១៦ ខែ មេសា ឆ្នាំ ២០២៦ កម្ពុជាទទួលបានទេសចរជាតិ-អន្តរជាតិ មកលេងកម្សាន្តសរុប គិតជាតួលេខ ២១ ០៩២ ៤៤៦ នាក់។ នេះបើតាមការប្រកាសជូនដំណឹងនៅលើផេកផ្លូវការក្រសួងទេសចរណ៍កាលពីថ្ងៃទី ១៧ ខែ មេសា ឆ្នាំ ២០២៦។ ក្នុងនោះ ១ ១៦៥ ៤៥០ នាក់ជាទេសចរស្នាក់ , ១៩ ៨៧៥ ៨០៥ នាក់ជាពលរដ្ឋដើរលេងកម្សាន្ត និង ៧១ ១៩១ នាក់ជាទេសចរបរទេស។

បន្ថែម ក្រសួងក៏បានជម្រាបជូននូវរាជធានីខេត្តទាំង ៥ ដែលទទួលបានទេសចរច្រើនជាងគេ ក្នុងឱកាសពិធីបុណ្យចូលឆ្នាំខ្មែរ រួមមាន៖

១. រាជធានីភ្នំពេញ ៖ ៤ ៤០២ ០៩២ នាក់

២. ខេត្តកំពង់ចាម ៖ ៤ ១៧៨ ៦២៣ នាក់

៣. ខេត្តព្រៃវែង ៖ ២ ៣២៣ ០៩៦ នាក់

៤. ខេត្តសៀមរាប ៖ ១ ៧៩២ ៤៣៨ នាក់

៥. ខេត្តកំពង់ស្ពឺ ៖ ១ ៧១២ ០០០ នាក់

រូបភាព ៖ ក្រសួងទេសចរណ៍

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។