ល្បែងប្រជល់មាន់ ជាល្បែងកម្សាន្តមួយរបស់ខ្មែរភាគច្រើនគេតែងនាំគ្នាលេងនៅពេលយប់

ល្បែងប្រជល់មាន់ ជាល្បែងកម្សាន្តមួយរបស់ខ្មែរសម្រាប់ក្មេងៗជំទង់ ហើយភាគច្រើនលេងនៅពេលយប់។ ល្បែងមួយនេះបង្ហាត់ក្មេងៗឱ្យមានភាពក្លាហាន។

សមាសភាពនៃអ្នកលេងល្បែងនេះតម្រូវមានគ្នា ៤ នាក់ ដោយប្រុសម្នាក់ធ្វើមាន់ឈ្មោល ក្មេងស្រីធ្វើជាមាន់ញី ហើយប្រុសស្រី២នាក់ទៀតធ្វើជាអ្នកចាំឱ្យទឹកមាន់។ ពេលចាប់ផ្ដើមលេង ក្មេងប្រុសស្រីដែលធ្វើមាន់ចូលទៅឱនក្រាបទន្ទឹមគ្នា (បែរផ្ទុយគ្នា) ឯអ្នកចាំឱ្យទឹកមាន់ចូលក្បែរមាន់របស់ខ្លួន ដើម្បីចាំឱ្យទឹកដល់មាន់។

ពេលរៀបឱ្យមាន់ជល់គ្នា ម្ចាស់មាន់ទះដៃស្រែកឡើងថា ៖ «យើងបានគ្នាហើយ»។ បន្ទាប់ពីម្ចាស់មាន់ស្រែក តួមាន់ក៏រៀបខ្លួនទៅជល់ ដោយកាងដៃធ្វើជាមាន់ទទះស្លាប ហើយដើរឱនៗចូលទៅជិតគ្នា ធ្វើដូចជាចង់ជល់ តែមិនឱ្យប៉ះទង្គិចស្មាឬដៃគ្នាទេ គ្រាន់តែលើកដៃទាំង២ តាមចង្វាក់ពាក្យច្រៀងរបស់ម្ចាស់មាន់ថា៖ «មាន់នាងនេះវ៉ើយ ជល់នឹងមាន់នាងណា លោកឱ្យប្រជល់វ៉ើយ មាន់យើងឈ្នះគេ។

កាលណាម្ចាស់មាន់ច្រៀងហើយមាន់ទាំង២ ក៏លោតចូលទៅឈរកណ្ដាលវង់ ហើយលោតចេញមកវិញ (ចេញចូលៗ) ដោយធ្វើអាការៈទទះស្លាបដូចលើកមុន រួចម្ចាស់មាន់ក៏ស្រែកច្រៀងដូចមុនទៀត។

មាន់ខាងណាមានមានភាពក្លៀវក្លា ស្វាហាប់ក្លាហានខ្លាំងពូកែជាងគេក្នុងពេលជល់ ចាត់ទុកជាអ្នកឈ្នះ។ កាលណាដឹងឈ្នះចាញ់ហើយ ភាគីម្ចាស់មាន់ដែលចាញ់ត្រូវគេចាប់ឱ្យផឹកទឹកត្នោត ឬហូបបបរជាដើម។ គេលេងបែបនេះរហូតដល់ពេលឈប់៕

ប្រភព ៖ ក្រុមប្រជុំទំនៀមទម្លាប់ខ្មែរ

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។

ល្បែងប្រជល់មាន់ ជាល្បែងកម្សាន្តមួយរបស់ខ្មែរភាគច្រើនគេតែងនាំគ្នាលេងនៅពេលយប់

កញ្ញា កែវ សុខអាត | Ms. KEO SOK ART

ព័ត៌មានទូទៅ

សេដ្ឋកិច្ច

អប់រំ

កីឡា

កម្សាន្ត

អរិយធម៌ខ្មែរ

Politico 360

One-Minute

កម្ពុជាមាតុភូមិខ្ញុំ

សច្ចធម៌ប្រវត្តិសាស្ត្រ

វិភាគសុីជម្រៅ

វឌ្ឍនភាពកម្ពុជា

អំពីក្រុមហ៊ុន