សភាតំណាងរាស្ត្ររដ្ឋញូវយ៉ក ទទួលស្គាល់ ALmée Couture ថាជា "ម៉ាកយីហោម៉ូដដ៏លេចធ្លោ និងមានគុណភាពខ្ពស់"

ក្រោយម៉ាកយីហោសម្លៀកបំពាក់ខ្មែរ ALmée Couture បញ្ចប់ការបង្ហាញម៉ូដនៅព្រឹត្តិការណ៍ New York Fashion Week 2026 ចប់សព្វគ្រប់ និងទទួលបានលិខិតសរសើរ (Citation) ពីសភាតំណាងរាស្ត្ររដ្ឋញូវយ៉ក (New York State Assembly) ដែលទទួលស្គាល់ ALmée Couture ថាជា “ម៉ាកយីហោម៉ូដដ៏លេចធ្លោ និងមានគុណភាពខ្ពស់” (Fashion Brand of Distinction)។

ព្រឹត្តិការណ៍ New York Fashion Week ស្ថិតនៅក្នុងបេះដូងរបស់យើងជារៀងរហូត ALmée Couture។ នេះជាការលើកឡើងរបស់យីហោកូនខ្មេរ ដែលមានឈ្មោះបោះសំឡេងនៅលើឆាកអន្តរជាតិនេះ។

ALmée បានបន្ថែមទៀតថា ក្នុងនាមជាអ្នករចនាម៉ូដជនជាតិខ្មែរ ការដែលអាចនាំយកសម្រស់ ស្នាដៃសិល្បៈ និងវប្បធម៌របស់យើងពីប្រទេសកម្ពុជា ទៅកាន់ឆាកបង្ហាញម៉ូដនៅទីក្រុងញូវយ៉ក គឺជាអ្វីដែលមានអត្ថន័យធំធេងលើសពីការបរិយាយ។

ALmée Couture បានរៀបរាប់ទៀតថា “យើងមានកិត្តិយសយ៉ាងក្រៃលែងដែលទទួលបានលិខិតសរសើរ (Citation) ពីសភាតំណាងរាស្ត្ររដ្ឋញូវយ៉ក (New York State Assembly) ដែលទទួលស្គាល់ ALmée Couture ថាជា «ម៉ាកយីហោម៉ូដដ៏លេចធ្លោ និងមានគុណភាពខ្ពស់» (Fashion Brand of Distinction)។ ក្នុងនាមជាម៉ាកយីហោរបស់កម្ពុជា ការទទួលស្គាល់នេះមានអត្ថន័យយ៉ាងខ្លាំងចំពោះយើង និងធ្វើឱ្យដំណើរទៅកាន់ទីក្រុងញូវយ៉កនេះកាន់តែមានអត្ថន័យថែមទៀត“។

គួរបញ្ជាក់ លិខិតសរសើរពីសភាតំណាងរាស្ត្ររដ្ឋញូវយ៉ក បានបរិយា ថា ALmée Couture បាននាំយកសម្លៀកបំពាក់ដ៏ប្រណីតៗដែលបានបំផុសគំនិតចេញពីប្រវត្តិសាស្ត្រ ទេវកថា ធម្មជាតិ និងសម្រស់ដ៏ស្រស់បំព្រងនៃអង្គរ។ ALmée Couture បានបង្កើតសម្លៀកបំពាក់ដែលគោរពដល់ការចងចាំដល់វប្បធម៌ ខណៈដែលបង្ហាញពីចក្ខុវិស័យដិតដល់ និងការស្រមើស្រមៃដល់ថ្ងៃអនាគត។

ឆាក ALmée Couture សម្រាប់ឲ្យម៉ូដែលបង្ហាញម៉ូដនៅឆាកNew York Fashion Week 2026 បានបង្ហាញម៉ូដជាមួយគ្នាជាមួយ ប្រេន Michael Cinco និង Alexis Bong Monsanto ដែលសុទ្ធសឹងជាអ្នកបង្កើតស្នាដៃសិល្បៈដ៏អស្ចារ្យ៕