កម្ពុជាធ្វើបានហើយ! Sydney Marith ក្លាយជាម្ចាស់មកុដ Miss Planet International 2025

ក្រោយការប្រកួតយ៉ាងស្វិតស្វាញ ទីបំផុត Sydney Marith អាចនាំឲ្យមុខមាត់កម្ពុជាលើឆាកអន្តរជាតិល្បីខ្ទរខ្ទារ ជាមួយតំណែងជាម្ចាស់មកុដ Miss Planet International 2025 ដោយមានការអបអរសាទរកងរំពង នាពេលប្រកាសលទ្ធផលកាលពីរាត្រីថ្ងៃ ១៥ ខែមីនា ឆ្នាំ ២០២៦។

Sydney Marith ពិតជាធ្វើបានល្អខ្លាំង ដែលចំណុចនេះសូម្បីតែ Fan Page កម្មវិធីបវរកញ្ញានៅបរទេសក៏មើលឃើញថា កូនកាត់ខ្មែរអាមេរិករូបនេះ មានសព្វគ្រប់បែបយ៉ាង មានឱកាសអាចក្លាយជាម្ចាស់មកុដ Miss Planet International 2025។ គ្រប់យ៉ាងមិនខុសពីការគិតរបស់អ្នកគាំទ្រប៉ុន្មានទេ ដោយកាលពីគ្រាប្រកាសថា Sydney Marith ជា Miss Planet Cambodia 2025 ម្នាក់ៗហ៊ានទស្សន៍ទាយថា កញ្ញានឹងចូលក្នុង Top កំពូលនៅក្នុងកម្មវិធីជាក់ជាមិនខាន។

ការប្រកួតចូលមកដល់ ដែលមានបេក្ខភាពទាំងអស់ ៣២ ប្រទេស Sydney បង្ហាញឲ្យឃើញច្បាស់ពីការត្រៀមខ្លួនទាំងសម្លៀកបំពាក់ប្រចាំថ្ងៃ, វគ្គសំណួរចម្លើយ និង Advocacy។ នារាត្រីផ្ដាច់ព្រ័ត្រ Sydney Marith ធ្វើឲ្យម្នាក់ៗលាន់មាត់ថានាងស័ក្ដិសមជាមួយតំណែងជយលាភី Miss Planet International 2025 ព្រោះការឆ្លើយសំណួរដោយការជឿជាក់ ដំណើរដ៏ទន់ភ្លន់ ទឹកមុខប្រកបដោយស្នាមញញឹម សមគ្នាជាមួយ evening gown ពណ៌ទឹកប្រាក់ និងទម្រង់មុខ Barbie របស់នាង។

មុនទទួលបានមកុដ Miss Planet Cambodia 2025 ក៏បានបានឈ្នះរង្វាន់ Miss Popular ហើយទទួលបានកន្លែងមួយដោយស្វ័យប្រវត្តិនៅក្នុង TOP 10 និងជា Miss Elegant Body , Beat Interview។ គួរបញ្ជាក់ថា Sydney Marith គឺជាម្ចាស់មកុដ ចំណែកបវរកញ្ញាមកពីប្រទេសម៉ិកស៊ីកូ Cristina Meza Mexico គ្រងតំណែងលំដាប់រងទី១។ រីឯលំដាប់រងទី២ បានទៅលើកញ្ញា Amelie Gigan Miss Planetបារាំង ហើយ Amanda Bransbury ជាលំដាប់រងទី ៣ គឺ Miss Planet Mauritius និង Miss Planet ជប៉ុន កញ្ញា Kaho Sugiyama ជាលំដាប់រងទី ៤៕