ពូកែមែនយប់មិញ Isabella Galliano ក្លាយជាជើងឯក Face of Cambodia Kids & Junior 2026

យុវតី Isabella Galliano កូនខ្មែរកាត់អាមេរិក ដែលទើបតែឈ្នះ Cosmo Kid’s Star 2026 ដោយបានផ្ដួលបេក្ខជនជាច្រើននៅប្រទេសវៀតណាមកាលពីសប្ដាហ៍។ រំលងតែប៉ុន្មានថ្ងៃ Isabella បានដណ្ដើមបានជ័យជម្នះមួយទៀតនៅក្នុងស្រុក គឺក្លាយជា “Face of Cambodia Kids & Junior 2026” នារាត្រីថ្ងៃ ១៣ ខែសីហា ឆ្នាំ ២០២៦។

Isabella Galliano វ័យ ១៣ ឆ្នាំ កាលពីយប់មិញក្លាយជាជយលាភី “Face of Cambodia Kids & Junior 2026” ហើយក៏ជាចេញទៅប្រទេសកូរ៉េ ដើម្បីតំណាងឲ្យប្រទេសកម្ពុជាចូលរួមក្នុងការកម្មវិធីប្រកួតអន្តរជាតិឆាប់ៗនេះ។ ម៉ូដែលស្រីវ័យក្មេងរបស់កម្ពុជារូបនេះ បានខិតខំប្រឹងប្រែង និងត្រៀមខ្លួនរួចជាស្រេច។

ព្រោះតែហ្វឹកហាត់ រៀនសូត្រជាមួយអ្នកជំនាញត្រឹមត្រូវ ហើយដោយរូបសម្រស់អំណោយផលពីធម្មជាតិទៀតនោះ Isabella Galliano លេចធ្លោសមនឹងទទួលបានតំណែងនោះតែម្ដង។ សម្រស់កូនកាត់ដ៏ឆើតឆាយ ធ្វើឲ្យ Isabella Galliano ទទួលបានការចាប់អារម្មណ៍ខ្លាំង ហើយអាចដណ្ដើមតំណែងម្ចាស់ជយលាភី Face of Cambodia Kids & Junior 2026 នៅគ្រុប C។

គួរបញ្ជាក់ផងដែរថា Isabella Galliano កាលពីថ្មីៗនេះទើបទទួលបានតំណែង Winner Cosmo Kid’s Star 2026 នៅប្រទេសវៀតណាម៕