កាលពីថ្ងៃទី១០ មេសា ២០២៦ សាកលវិទ្យាល័យខេមតិចបានរៀបចំកម្មវិធីសង្រ្កាននិងពិព័រណ៍ស្នាដៃនិស្សិតដោយមានការចូលរួមយ៉ាងកុះករពីសំណាក់សិស្សនិសិ្សត និងសាស្រ្តាចារ្យ។

ពេលវេលាចូលឆ្នាំខ្មែរ គឺជាពេលជួបជំុចាំទទួលនូវទេវតាឆ្នាំថ្មី និងអបអរសាទរការផ្លាស់នូវឆ្នាំចាស់ចូលឆ្នាំថ្មី។ សង្រ្កានខេមតិច បានប្រមូលផ្ដំុនិសិ្សតរៀបចំកម្មវិធីដើម្បីញ៉ាំងនូវកម្មវិធីឱ្យមានភាពអ៊ូអរ និងផ្ដល់ភាពសប្បាយរីករាយដល់អ្នកចូលរួម។ 

កម្មវិធីត្រូវបានប្រព្រឹត្តិទៅយ៉ាងរលូន ក្រោមការដឹកនាំ និងសម្របសម្រួលពីនិសិ្សតស្ម័គ្រចិត្តខេមតិច ដែលបានសហការគ្នាក្នុងការរៀបចំ កម្មវិធីផ្សេងៗដូចជា ការលេងល្បែងប្រជាប្រិយខ្មែរ ការតាំងពិព័រណ៍ស្នាដៃសិស្សនិសិ្សត បង្ហាញសមត្ថភាពក្នុងការរាំរបាំ ការប្រគុំតន្ត្រី និង ការសម្តែងទស្សនីយភាពពិសេសផងដែរ។ 

គួរបញ្ជាក់ផងដែរថា សាកលវិទ្យាល័យរៀបចំការតាំងពិព័រណ៏ និងការសម្ដែងនានា ក្នុងគោលបំណងដើម្បីរំលេចនូវការរួមបញ្ចូល សិល្បៈ​ និងបច្ចេកវិទ្យា​ សតវត្សទី២១។ ជាចុងក្រោយ​សាកលវិទ្យាល័យសូមថ្លែងអំណរគុណដល់ធនាគារកាណាឌីយ៉ា,​​ ក្រុមហ៊ុនទឹកបរិសុទ្ធ Hi-Tech,​ ក្រុមហ៊ុន Indomie,​ ក្រុមហ៊ុន​ Passapp, ក្រុមហ៊ុនសារព័ត័មាន AMS, និង CC Times សម្រាប់ការឧបត្ដម្ថនៅក្នុងកម្មវិធីសង្រ្កាននេះ៕