អាហារូបករណ៍ ១០០% ចំនួន ១ ៨០៨ កន្លែង ថ្នាក់សញ្ញាបត្រជាន់ខ្ពស់បច្ចេកទេស សម្រាប់សិស្សទើបចប់បាក់ឌុប

សម្រាប់សិស្សានុសិស្សទើបប្រឡងបញ្ចប់សញ្ញាបត្រមធ្យមសិក្សាទុតិយភូមិ (ជាប់ ឬធ្លាក់) ដែលមានជីវភាពខ្វះខាត និងគ្មានលទ្ធភាពបង់ថ្លៃសិក្សាបាន, សមាគមសហព័ន្ធសិស្ស-និស្សិតអប់រំបណ្ដុះបណ្ដាលបច្ចេកទេស និងវិជ្ជាជីវៈ បានប្រកាសផ្ដល់អាហារូបករណ៍ ១០០% សរុបចំនួន ១ ៨០៨ កន្លែង សម្រាប់ឆ្នាំសិក្សា ២០២៦-២០២៧។

អាហារូបករណ៍នេះ ផ្ដល់ជូនលើកម្រិតសិក្សា «សញ្ញាបត្រជាន់ខ្ពស់បច្ចេកទេស» (រយៈពេល ២ ឆ្នាំ) នៅតាមគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈ (TVET) ទាំង ៣១ ទីតាំង ទូទាំងរាជធានី-ខេត្ត ក្រោមឱវាទក្រសួងការងារ និងបណ្ដុះបណ្ដាលវិជ្ជាជីវៈ លើជំនាញបច្ចេកទេសសំខាន់ៗដែលទីផ្សារការងារកំពុងត្រូវការខ្ពស់ រួមមាន ៖ សំណង់, អគ្គិសនី, អេឡិចត្រូនិក, មេកានិក, មេកាត្រូនិក, បរិក្ខារត្រជាក់, មេកានិករថយន្ត, ព័ត៌មានវិទ្យា និងជំនាញជាច្រើនទៀត។

លក្ខខណ្ឌនៃការជ្រើសរើស

ជាបេក្ខជនដែលបានប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៥ និងឆ្នាំ២០២៦ (ទាំងជាប់ ឬធ្លាក់) ឬ មានសញ្ញាបត្របច្ចេកទេស និងវិជ្ជាជីវៈ ៣ (C3) ឬសញ្ញាបត្រដែលមានតម្លៃស្មើ។

ឯកសារស្នើសុំអាហារូបករណ៍

បេក្ខជនត្រូវរៀបចំឯកសារ រួមមាន៖
1. ពាក្យស្នើសុំអាហារូបករណ៍
2. ប្រវត្តិរូបសង្ខេប
3. កិច្ចសន្យា
4. បង្កាន់ដៃទទួលពាក្យមានបិទរូបថត (ថតថ្មី) ទំហំ 4cm x 6cm
5. ចំពោះបេក្ខជនក្រីក្រ តំបន់ដាច់ស្រយាល និងជនជាតិដើមភាគតិច ត្រូវមានលិខិតបញ្ជាក់ពីអាជ្ញាធរ។

កាលបរិច្ឆេទ និងទីកន្លែងទទួលពាក្យ

បេក្ខជនត្រូវមកទទួលពាក្យ និងដាក់ពាក្យស្នើសុំអាហារូបករណ៍នៅទីស្នាក់ការកណ្តាលសមាគម នៅក្នុងវិទ្យាស្ថានជាតិបណ្តុះបណ្តាលបច្ចេកទេស (NTTI) អគារមជ្ឈមណ្ឌលស្រាវជ្រាវ អភិវឌ្ឍ និងនវានុវត្ត ការបណ្តុះបណ្តាលបច្ចេកទេស និងវិជ្ជាជីវៈ ស្ថិតក្រោយវត្តទឹកថ្លា។ ដោយឡែកសម្រាប់អ្នកចង់ដាក់ពាក្យស្នើសុំអាហារូបករណ៍សិក្សានៅគ្រឹះស្ថាន TVET នៅតាមបណ្តាខេត្ត អាចទំនាក់ទំនងផ្ទាល់ និងដាក់ពាក្យនៅស្នាក់ការកណ្តាលសមាគមតាមអាសយដ្ឋានខាងលើ។

កាលបរិច្ឆេទឈប់ទទួលពាក្យ៖ ត្រឹមថ្ងៃទី១៥ ខែវិច្ឆិកា ឆ្នាំ២០២៦ (និងបន្តទទួលរហូតដល់តាមកាលកំណត់របស់គ្រឹះស្ថាននីមួយៗ ក្នុងករណីមិនទាន់ជ្រើសរើសគ្រប់ចំនួន)។

សម្រាប់ព័ត៌មានលម្អិតបន្ថែម បេក្ខជនអាចទាក់ទងដោយផ្ទាល់ទៅកាន់គ្រឹះស្ថាន TVET ដែលមានបំណងចូលរៀន ឬតាមរយៈលេខទូរស័ព្ទ៖ ០៨៨ ២៩៧ ១១៩៦។

ព័ត៌មានលម្អិតបន្ថែមអំពីឈ្មោះគ្រឹះស្ថាន/វិទ្យាស្ថាន ទីតាំង និងចំនួនអាហារូបករណ៍ដែលត្រូវផ្ដល់ជូន

នៅរាជធានីភ្នំពេញ
-វិទ្យាស្ថានជាតិពហុបច្ចេកទេសកម្ពុជា ផ្ដល់ជូនចំនួន ៣០ កន្លែង
-វិទ្យាស្ថានជាតិបណ្ដុះបណ្ដាលបច្ចេកទេស ផ្ដល់ជូនចំនួន ២០ កន្លែង
-វិទ្យាស្ថានជាតិពាណិជ្ជសាស្ត្រ ផ្ដល់ជូនចំនួន ២០០ កន្លែង
-វិទ្យាស្ថានពហុបច្ចេកទេសព្រះកុសុមៈ ផ្ដល់ជូនចំនួន ៤០ កន្លែង
-វិទ្យាស្ថានជាតិសហគ្រិនភាព និងនវានុវត្តន៍ ផ្ដល់ជូនចំនួន ២០ កន្លែង
-វិទ្យាស្ថានបច្ចេកទេសឧស្សាហកម្ម ផ្ដល់ជូនចំនួន ៧០ កន្លែង
-វិទ្យាស្ថានអភិវឌ្ឍន៍មុខជំនាញកម្ពុជា ផ្ដល់ជូនចំនួន ៥០ កន្លែង
-វិទ្យាស្ថានបច្ចេកទេស ហ្សឺវ៉េស ផ្ដល់ជូនចំនួន ២០ កន្លែង

នៅតាមបណ្ដាខេត្ត

ខេត្តបាត់ដំបង
-វិទ្យាស្ថានពហុបច្ចេកទេសភូមិភាគតេជោសែន បាត់ដំបង ចំនួន ១០០ កន្លែង
-វិទ្យាស្ថានបច្ចេកវិទ្យាបាត់ដំបង ចំនួន ៥០ កន្លែង
-វិទ្យាស្ថានជាតិវិជ្ជាជីវៈបាត់ដំបង ចំនួន ៤០ កន្លែង

ខេត្តសៀមរាប៖
-វិទ្យាស្ថានពហុបច្ចេកទេសភូមិភាគតេជោសែន សៀមរាប ចំនួន ២៥ កន្លែង
-វិទ្យាស្ថានជាតិពហុបច្ចេកទេសអង្គរ ចំនួន ៤០ កន្លែង

ខេត្តព្រះសីហនុ
-វិទ្យាស្ថានពហុបច្ចេកទេសខេត្តព្រះសីហនុ ចំនួន ២០ កន្លែង
-វិទ្យាស្ថានពហុបច្ចេកទេសមិត្តភាពកម្ពុជា-ចិន ខេត្តព្រះសីហនុ ចំនួន ៥០ កន្លែង

ខេត្តកំពត
-វិទ្យាស្ថានពហុបច្ចេកទេសភូមិភាគតេជោសែន កំពត ចំនួន ៣០ កន្លែង

ខេត្តតាកែវ
-វិទ្យាស្ថានពហុបច្ចេកទេសភូមិភាគតេជោសែន តាកែវ ចំនួន ៨០ កន្លែង

ខេត្តស្វាយរៀង
-វិទ្យាស្ថានពហុបច្ចេកទេសភូមិភាគតេជោសែន ស្វាយរៀង ចំនួន ១០ កន្លែង

ខេត្តពោធិ៍សាត់
-វិទ្យាស្ថានពហុបច្ចេកទេសខេត្តពោធិ៍សាត់ ចំនួន ១៥ កន្លែង

ខេត្តបន្ទាយមានជ័យ
-វិទ្យាស្ថានពហុបច្ចេកទេសខេត្តបន្ទាយមានជ័យ ចំនួន ២២៥ កន្លែង

ខេត្តកំពង់ធំ
-វិទ្យាស្ថានពហុបច្ចេកទេសខេត្តកំពង់ធំ ចំនួន ៥០ កន្លែង

ខេត្តកំពង់ចាម
-វិទ្យាស្ថានពហុបច្ចេកទេសខេត្តកំពង់ចាម ចំនួន ១៥ កន្លែង

ខេត្តកណ្ដាល
-វិទ្យាស្ថានជាតិពហុបច្ចេកទេសតេជោសែន ចំនួន ១០០ កន្លែង

ខេត្តកំពង់ស្ពឺ
-វិទ្យាស្ថានពហុបច្ចេកទេសខេត្តកំពង់ស្ពឺ ចំនួន ៣០ កន្លែង

ខេត្តក្រចេះ
-វិទ្យាស្ថានពហុបច្ចេកទេសភូមិភាគតេជោសែន ឦសាន ចំនួន ១២០ កន្លែង

ខេត្តកោះកុង
-វិទ្យាស្ថានពហុបច្ចេកទេសខេត្តកោះកុង ចំនួន ៥៨ កន្លែង

ខេត្តកំពង់ឆ្នាំង
-វិទ្យាស្ថានពហុបច្ចេកទេសខេត្តកំពង់ឆ្នាំង ចំនួន ២០ កន្លែង

ខេត្តព្រះវិហារ
-វិទ្យាស្ថានពហុបច្ចេកទេសខេត្តព្រះវិហារ ចំនួន ២០ កន្លែង

ខេត្តស្ទឹងត្រែង
-មជ្ឈមណ្ឌលបណ្ដុះបណ្ដាលវិជ្ជាជីវៈខេត្តស្ទឹងត្រែង ចំនួន ១០ កន្លែង

ខេត្តរតនគិរី
-មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី ចំនួន ៩០ កន្លែង

ខេត្តមណ្ឌលគិរី
-មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ចំនួន ៣០ កន្លែង៕

អាហារូបករណ៍ ១០០% ចំនួន ១ ៨០៨ កន្លែង ថ្នាក់សញ្ញាបត្រជាន់ខ្ពស់បច្ចេកទេស សម្រាប់សិស្សទើបចប់បាក់ឌុប

លោក សេក សត្យា | Mr. Sek Sathya

ព័ត៌មានទូទៅ

សេដ្ឋកិច្ច

អប់រំ

កីឡា

កម្សាន្ត

អរិយធម៌ខ្មែរ

Politico 360

One-Minute

កម្ពុជាមាតុភូមិខ្ញុំ

សច្ចធម៌ប្រវត្តិសាស្ត្រ

វិភាគសុីជម្រៅ

វឌ្ឍនភាពកម្ពុជា

អំពីក្រុមហ៊ុន