វីដេអូ N.John សម្ដែងនៅកូរ៉េ ទទួលបានការគាំទ្រខ្លាំងពីសំណាក់អ្នកទស្សនា ពិសេសអ្នករាំអាជីពនៅទីនោះ

កាលពីរាត្រីថ្ងៃ ២៨ ខែឧសភា ឆ្នាំ ២០២៦ កន្លងទៅ N.John បានចូលរួមសម្ដែងនៅក្នុងកម្មវិធីបង្ហាញម៉ូដសម្លៀកបំពាក់មួយនៅប្រទេសកូរ៉េ ដែលរៀបចំដោយប្រេន Error nyc ហើយវីដេអូពេលតារាចម្រៀងខ្មែររូបនេះច្រៀងទទួលបានការគាំទ្រខ្លាំងមែនទែន ពីសំណាក់អ្នកចូលរួម។

តាមរយៈវីដេអូដែល N.John add Story IG ឃើញថា ដែលមានវត្តមាននៅកម្មវិធីនោះបានស្រែកច្រៀងតាមលោកទាំងបទ «Feel Like This» ព្រមទាំងបទល្បីប្រចាំអាល់ប៊ុម Lalaland «Pop-Out»។ វត្តមានកូនប្រុសទី២ កំពូលតារាចម្រៀង ព្រាប សុវត្ថិ សម្ដែងនៅម្សិលមិញ ទទួលបានការចាប់អារម្មណ៍ពីសំណាក់ dancer អាជីពនៅកូរ៉េ ពិសេសនារីស្អាតៗ។

សំឡេងស្រែកហ៊ោបន្ទរ ពេល N.John ច្រៀងបញ្ជាក់យ៉ាងច្បាស់ថា កូនខ្មែររូបនេះ ពិតជាមានឈ្មោះល្បី និងត្រូវបានគេស្គាល់ច្រើន ក្នុងនោះសូម្បីតែកុមារតូចៗ។ សម្រាប់ សុវត្ថិ មុនីនាគ ជាតារាដែលមានទេពកោសល្យ ព្រមទាំងទទួលបានការបណ្ដុះបណ្ដាលពីឪពុកផ្ទាល់ មុនទៅសិល្បៈផ្នែកសិល្បៈនៅអាមេរិក។

ដូចនេះហើយសមត្ថភាព ច្រៀងរាំ ពេលសម្ដែង របស់ម្ចាស់បទ «Pop-Out» ពិតជាអស្ចារ្យ រហូតបរទេសផ្ទាល់ក៏កោតសរសើរ N.John ដែរ៕