កម្មវិធី Mrs Tourism Queen International 2026 បាន​បញ្ចប់​ហើយ ដោយ​រើស​បាន Top 3 ដែល​មាន​សមត្ថភាព​ពេញលេញ ហើយ​ក្នុង​នោះ​ក៏​មាន​កម្ពុជា​ដែរ។ Mrs. Cambodia Tourism Queen International 2026 អ្នកនាង Sophy Odam នឹង​ក្លាយ​ជា Mrs Global Tourism 2026 ចាប់​ពី​ពេល​នេះ​ត​ទៅ។

នេះ​ជា​សមិទ្ធផល​ធំ​របស់​កម្ពុជា ដោយ​អាច​ទទួល​បាន​តំណែង​ល្អ និង​ជាប់​ជា Top កំពូល​ចុងក្រោយ។ បើ​និយាយ​ពី​រូប​សម្រស់ និង​ចំណេះដឹង​របស់ អ្នកនាង Sophy Odam ពិតជា​លេចធ្លោ និង​ទទួល​បាន​ការ​ចាប់អារម្មណ៍​ខ្លាំង​ពី​អ្នក​គាំទ្រ​ពី​មហាជន​ក្នុង​ស្រុក និង​ក្រៅ​ប្រទេស។

បើ​និយាយ​ពី​តំណែង​កំពូល​ទាំង ៣ នៃ​ Mrs Tourism Queen International 2026 មកុដ​ធំ​បាន​ទៅ​លើ​វៀតណាម, ទី​២ បាន​មក​ប្រទេស​កម្ពុជា និង​ទី ៣ បាន​ទៅ​លើ​ហ្វីលីពីន ដែល​សុទ្ធ​សឹង​តែ​ជា​អ្នក​មាន​សមត្ថភាព​ខ្លាំង និង​ទទួល​បាន​ការ​វាយតម្លៃ​ខ្លាំង​ទាំង​គណៈកម្មការ និង​មហាជន​ដែល​ទស្សនា​ទាំង​ក្នុង​កម្មវិធី​ផ្ទាល់ និង​តាម​រយៈ​ការ Live។

កាន់តែពិសេស​គឺ​ក្នុង​ឈុត​តំណាងជាតិ​របស់​ខ្មែរ ដែល​អ្នកនាង Sophy Odam បាន​នាំ​យក​ក្បូរក្បាច់​ខ្មែរ​ច្បាស់​ៗ ប្រកប​ដោយភាព​ប្រណីតតែម្ដង។

អ្នកនាង Sophy Odom បាន​បង្ហាញ​ពី​ការ​តាំង​ចិត្ត និង​ត្រៀម​ខ្លួន​បាន​រួចជាស្រេច ហើយ​គ្រាន់តែ​ចូល​កង​ប្រកួត​ភ្លាម ស្រ្តី​តំណាង​កម្ពុជា​រូបនេះ ជះ​សម្រស់ និង​ភាព​ស៊ិចស៊ី​វ៉ា​ដាច់​អស់​បេក្ខភាព។ គួរ​បញ្ជាក់​ថាកម្មវិធីប្រកួតសម្រស់អន្តរជាតិ Mrs. Tourism Queen គឺជា​កម្មវិធី​ប្រកួតប្រជែង​សម្រស់​អន្តរជាតិ សម្រាប់ស្ត្រីរៀបការហើយ និង​មាន​វ័យ​កណ្ដាល​ឡើង៕

រូបភាព៖ Mrs. Tourism Queen International Pageant