ត្រៀមចេញទៅប្រកួត ល្អហួស ដូរស្ទីល៍ផាត់មុខបែបនារីឡាទីន នៅសមុទ្រ ស្អាត ទាក់ទាញ និងប្លែកខ្លាំង

Miss Teen Cambodia 2025 ជូរី ល្អហួស កាន់តែកៀកថ្ងៃចេញទៅប្រកួតនៅអន្តរជាតិ ការរៀបចំខ្លួន និងស្ទីល៍ផាត់មុខរបស់បវរកញ្ញាវ័យក្មេងរូបនេះ ក៏កាន់តែស្រស់ស្អាត និងប្លែកខ្លាំងមួយកម្រិតទៀតផងដែរ។

ថ្មីៗនេះដែរ ល្អហួស បានបង្ហាញពីរូបភាពថ្មីបែបនារីឡាទីន ដែលសម្បុរស្បែកពណ៌ទឹកឃ្មុំ និងរឹមបបូរមាត់បែបស៊ិចស៊ី ព្រមទាំងស្លៀកឈុតប៊ីគីនី ដើម្បី បង្ហាញឲ្យ Miss Teen International 2026 ឃើញថាបវរកញ្ញាវ័យក្មេងរបស់កម្ពុជារូបនេះ មានទាំងសមត្ថភាពសព្វបែបគ្រប់យ៉ាង បូករួមសម្រស់ស្រស់ស្អាតទាំងព្រម។

ល្អហួស ធ្លាប់បានបង្ហើបឲ្យដឹងថា នាងបានត្រៀមសម្លៀកបំពាក់ ៧០ ឈុត សម្រាប់ការប្រកួត Miss Teen International 2026 នៅប្រទេសឥណ្ឌានាពេលខាងមុខនេះ ហើយបវរកញ្ញាវ័យ ១៧ ឆ្នាំរូបនេះ នឹងមិនបន្ធូរដៃឡើយក្នុងការប្រកួតលក្ខណៈអន្តរជាតិលើកនេះ។

មិនត្រឹមតែត្រៀមឈុតប្រចាំថ្ងៃច្រើនសន្ធឹកឡើយ ក្នុងនោះក៏មានឈុតតំណាងជាតិ ២ ឈុតដែរ, ឈុតរាត្រីសមោសរសម្រាប់ថ្ងៃប្រកួត Final ៨ ឈុត និង ៦០ ឈុតទៀតជាឈុតសម្រាប់ស្លៀកពាក់ប្រចាំថ្ងៃ ដែលច្នៃយ៉ាងប្រណីត។

ក្រៅពីមមាញឹកក្នុងការត្រៀមខ្លួនចេញទៅប្រកួត កូនស្រី ដេននី ក្វាន់ ក៏មានការងារជា BA ច្រើនក្នុងដៃ ត្រូវប្រម៉ូតជាបន្តបន្ទាប់ និងការថតប្រម៉ូតប្រពៃណីខ្មែរនៅទូទាំងខេត្តក្រុងក្នុងប្រទេសកម្ពុជាផងដែរ៕

រូបភាព៖ Laor Hours

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត