ចន្លោះថ្ងៃ ២១ ដល់ ២៣ ខែមីនា នឹងមានព្រឹត្តិការណ៍ «សមរាត្រី» ព្រះអាទិត្យរះចំកណ្ដាលកំពូលប្រាសាទអង្គរវត្ត

ព្រឹត្តិការណ៍ សមរាត្រី ឬ Equinox Angkor ជាព្រឹត្តិការណ៍ពេញនិយមបំផុតនៅកម្ពុជា ដែលបានទាក់ទាញភ្ញៀវទេសចរជាតិ និងអន្តរជាតិ យ៉ាងច្រើនក្រាស់ក្រែល មកផ្ដិតយកទិដ្ឋភាពដ៏កម្រមួយនេះនៅលើទឹកដីនៃប្រាសាទអង្គរវត្ត ខេត្តសៀមរាប។

ដោយឡែក នៅចន្លោះថ្ងៃទី ២១,២២,២៣ ខែមីនា ឆ្នាំ ២០២៦ នេះ ព្រឹត្តិការណ៍ សមរាត្រី រដូវប្រាំង ( Vernal Equinox) នឹងអាចកើតមាននៅចន្លោះម៉ោង ៥ ព្រឹក រហូតដល់ម៉ោង ៦៖៣០ នាទី ព្រឹក។ នេះបើតាមការជម្រាបជូនដំណឹងលើផេកផ្លូវការរបស់ក្រសួងទេសចរណ៍របស់កម្ពុជា។ ខណៈដែលសមរាត្រី រដូវវស្សា (Autumnal Equinox) អាចកើតនៅចន្លោះថ្ងៃទី ២១ ដល់ ២៣ ខែកញ្ញា។

គួរឱ្យដឹងថា ព្រឹត្តិការណ៍ សមរាត្រី ដែលជាបាតុភូតនៃការរះឡើងរបស់ព្រះអាទិត្រនៅចំកណ្ដាលនៃកំពូលប្រាសាទអង្គរវត្ត កើតឡើងតែ ២ ដងប៉ុណ្ណោះ ក្នុង ១ ឆ្នាំ ដោយលើកទី១ នៅក្នុងខែ មីនា និងលើកទី២ ខែ កញ្ញា។ ដូច្នេះ សម្រាប់ភ្ញៀវជាតិនិងអន្តរជាតិ ដែលមានបំណងចង់មកទស្សនានិងផ្ដិតយកទិដ្ឋភាពកម្រមួយនេះត្រូវមកជួបជុំនៅខាងមុខច្រកចូលនៃទិសខាងលិចប្រាសាទអង្គរវត្ត ទើបអាចបានមើលឃើញស្ដែងពីភាពអស្ចារ្យនៃបាតុភូតដ៏កម្រនេះ៕

រូបភាព ៖ ក្រសួងទេសចរណ៍

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។